Ümidli Gələcək Gənclər İctimai Birliyinin Təhsil Nazirliyi ilə birgə əməkdaşlıqda Azərbaycan Dövlət Pedaqoji Universitetinin “sosial iş” ixtisası üzrə IV kursda təhsil alan tələbələrinin istehsalat təcrübələri təşkilatın mərkəzlərində davam etdirilir. Tələbələr yeni praktik bilik və bacarıqlara yiyələnməklə yanaşı, sosial işçi qismində müəyyən mövzularda verilmiş tapşırıqları mütəmadi şəkildə yerinə yetirməklə öz bilik və təcrübələrini inkişaf etdirirlər. Hər tələbə tərəfindən hazırlanmış təqdimatlar dəyirmi masa ətrafında onlar tərəfindən nümayiş etdirilir və mərkəzin əməkdaşları ilə birliktə müzakirə edilərək diqqətə alınmalı məqamlar qeyd edilir.